Një person i armatosur dhe i maskuar ka grabitur një shumë të parave në një pompë derivatesh në Kçiq të Mitrovicës.
Lajmin për Insajderin e ka konfirmuar zëdhënësi i Policisë së Kosovës për rajonin e Mitrovicës, Avni Zahiti.
Ai ka njoftuar se deri më tani nuk raportohet për të lënduar.
“Sonte, rreth orës 18:00, nga ana e tre ankuesve, punëtor në një pompë derivatesh në fshatin Kçiq të Mitrovicës, është raportuar se një person i dyshuar e i maskuar, nën kanosje e armës ka grabitur një shumë të parave. Nga informacionet e deritanishme nuk raportohet për t’ lënduar”, ka thënë Zahiti.
Po ashtu tha se me rastin janë duke u marrë njësitet përkatëse policore.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
