Kryetari i PDK-së, Memli Krasniqi ka marrë një fanellë, dhuratë nga futbollisti i njohur Granit Xhaka, me dedikim ndaj Krasniqit.

Në një video të publikuar në mediat sociale shihet se kandidati i PDK-së për kryeministër, Bedri Hamza ia ka sjellë këtë dhuratë Krasniqit, pas takimit që pati dje me Xhakën në Gjermani.

“Mërgata e ka nda mendjen se Kosova mundet ma mirë. Pata mundësi ta takoj edhe yllin e futbollit dhe mikun tënd, Granit Xhakën dhe këtu e kam një porosi prej tij për ty”, ka thënë Hamza. Krasniqi ka shprehur falënderime për Xhakën dhe tërë mërgatën për mbështetjen për PDK-në.

“Yjet si Graniti kanë qenë gjithmonë dhe vazhdojnë me qenë inspirim për të gjithë, sepse me puën dhe suksesin që e kanë arritur janë bërë shembuj të mirë. Neve na mbetet me i përvjelë mëngët dhe me punu për t’i realizuar qëllimet që i kemi bashkë”, ka thënë lideri i PDK-së.

VIDEO