Ndeshja në mes të Zvicrës dhe Shqipërisë e cila pritet të zhvillohet më 11 qershor në Francë, në kuadër të kampionatit evropian që zhvillohet këtë verë, nuk do të jetë e zakonshme.

Aty pritet të luajnë dy vëllezër të ndarë në dy skuadra kombëtare, gjë që rrallë shihet në skena kaq të rëndësishme të futbollit botëror.

Pas deklaratave të Taulantit në konferencën e sotme për shtyp në grumbullimin e kombëtares shqiptare në Austri, ka reaguar përmes një fotoje vëllai i tij Graniti.

Ai ka shkruar vetëm një frazë të cilën e ka shoqëruar me një foto të dy vëllezërve: “A jeni mirë vëlla”.

Para vetëm disa orësh, Taulanti kishte thënë që nuk do t’i kursejë ndërhyrjet e ashpra as ndaj vëllait të tij në duel ndaj Zvicrës dhe se edhe “Graniti do ta këndojë himnin kombëtar, brenda vetës së tij”.

Ndoshta kjo e fundit ka ngjallur reagimin e futbollistit të Arsenalit, i cili në një farë mënyrë i ka dalë në mbrojtje vetvetes para shtypit zviceran. /Insajderi.com