Kandidati i LDK-së për kryetar të Suharekës, Ardian Shala, zhvilloi një takim me gratë e komunës, organizuar nga Forumi i Gruas së LDK-së dega në Suharekë, ku diskutuan programin qeverisës dhe mundësitë për përfshirjen e grave në vendimmarrje.

“Unë besoj fuqishëm se gratë janë shtylla e zhvillimit të shoqërisë, forca që mban familjen dhe çdo ndryshim të mirë që ndodh në vendin tonë. Energjia dhe përkushtimi i tyre më dhanë besim se ndryshimi ka ndodhur!”, tha Shala.

Ai theksoi se në qeverisjen e tij, gratë do të jenë bashkëvendimmarrëse dhe do të kenë mbështetje konkrete, duke përfshirë:

• Avancimin e shërbimeve shëndetësore për gratë, me fokus në kujdesin parandalues;
• Subvencionimin e lindjeve;
• Rritjen e përfaqësimit të grave në vendimmarrje dhe administratë;
• Fondet për gratë sipërmarrëse;
• Formimin e Këshillit të Grave të Komunës së Suharekës.

Shala përfundoi mesazhin me optimizëm: “Suhareka po bashkohet për ndryshim dhe LDK po rikthehet fuqishëm!”.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër