Një i burgosur shqiptar 33-vjeçar është gjetur i vdekur në Komisariatin e Hanias mëngjesin e kësaj të premteje.
Lajmi është bërë publik nga mediat greke të cilat kanë shpërndarë komunikatën zyrtare të policisë.
“Në ambientet e paraburgimit të Drejtorisë së Policisë Hania, një i burgosur i huaj, ka humbur ndjenjat dhe ka rënë në tokë, ndërsa punonjësi i policisë i ka dhënë menjëherë ndihmën e parë.
Në të njëjtën kohë është njoftuar edhe autoambulanca. Pavarësisht përpjekjeve për ta ringjallur, i burgosuri ndërroi jetë”, thuhet në njoftimin e policisë.
Sipas mediave greke, bëhet fjalë për një 33-vjeçar nga Shqipëria, i cili u arrestua të martën më 15 prill.
Identiteti i të riut shqiptar nuk është publikuar ende.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
