Greqia pritet t’i japë Shqipërisë 20 000 vaksina kundër koronavirusit.

Në një komunikim për mediat, zëdhënësi i qeverisë greke, Aristotelis Peloni, tha se vendimi u mor pas konsultave me Komisionin Europian.

Krahas Shqipërisë, siç raporton “Kathimerini“, 20 000 vaksina të tjera do t’i jepen edhe Maqedonisë së Veriut, sipas zyrtarit grek, i cili nuk specifikoi në fakt se çfarë prodhimi do të jenë ato.

Ndërsa, ende nuk raportohet se kur do të fillojë nisja e tyre drejt këtyre vendeve.