Ministrja e Drejtësisë, Dhurata Hoxha, ka filluar kompletimin e stafit të kabinetit të saj politik. Ajo ka emëruar shefe të kabinetit Arizona Berdynajn, bashkëshorte e nënkryetarit të PDK-së, Uran Ismajli.

Në njoftimin për media thuhet se Bërdynaj “ka përvojë mbi 15-vjeçare në qeverisje dhe menaxhim, si në sektorin publik po ashtu dhe në atë privat”.

Ndërsa, në pozitën e këshilltarit politik, është emëruar Edmir Sejdiu, i cili është në përfundim të studimeve post-diplomike në fushën e Integrimeve Evropiane dhe Administratës Publike, njofton Telegrafi.

Sejdiu, po sipas komunikatës ministrore, “ka përvojë mbi gjashtëvjeçare në sektorin e shoqërisë civile dhe në fushën e arsimit”, ndërsa Mrikë Karaqi është e angazhuar si asistente ekzekutive.

Gjatë ditëve në vijim, ministrja Hoxha do të emërojë edhe këshilltarët tjerë të Kabinetit. /Insajderi.com

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër