Komisioneri për Politikën Evropiane të Fqinjësisë dhe Negociatave për Zgjerim, Johannes Hahn, është takuar sot me Ministrin e Integrimeve Evropiane, Bekim Çollaku, të cilit i ka thënë se është i kënaqur me përparimin që është bërë sa i përket liberalizimit të vizave për Kosovën.

Kështu ka njoftuar vetë Hahn përmes një deklaratë në Twitter.

“MSA-ja është një hap përpara. Implementimi i saj tashmë është vendimtar! Shprehëm kënaqësi me progresin e arritur për liberalizimin e vizave dhe diskutuam hapat e mëtejmë. Një takim i mirë me ministrin e Integrimeve Evropiane të Kosovës, Bekim Çollakun, në Strasburg”, ka shkruar ai.

Në Bruksel, Ministri Çollaku ka takuar edhe zëvendëspresidenten e Parlamentin Evropian (PE) njëherësh raportuese për Kosovën në PE, Ulrike Lunacek.

Temë diskutimi e këtyre takimeve ishte avancimi i agjendës evropiane të Kosovës dhe në veçanti përmbyllja e procesit të liberalizimit të vizave për kosovarët.

Gjatë takimeve ministri Çollaku nënvizoi se institucionet e Kosovës kanë përmbushur obligimet e përcaktuara për heqjen e vizave dhe se tani janë në pritje të një vendimi meritor nga ana e Institucioneve të BE-së./Insajderi.com

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”