Kandidati për deputet nga PDK, Hajdar Beqa, një ditë para zgjedhjeve i është drejtuar qytetarëve me një mesazh të rëndësishëm.

Ai tha se 9 shkurti është dita kur vendoset për të ardhmen dhe për familjet.

Beqa theksoi se Kosova ka nevojë për njerëz të guximshëm.

“Më 9 Shkurt 2025, është dita jonë! Dita kur vendosim për të ardhmen, për familjet tona, për fëmijët tanë! Kosova ka nevojë për njerëz të guximshëm, të vendosur dhe të bashkuar, ashtu siç kemi qenë gjithmonë në momentet vendimtare të historisë sonë!

Të bashkuar fituam lirinë me gjak e sakrificë!

Të bashkuar ndërtuam shtetin me mund e përkushtim!

Të bashkuar do ta çojmë Kosovën përpara me vizion e zhvillim!

E ardhmja e Kosovës nuk mund të ngecë! Historia na ka mësuar se çdo betejë e kemi fituar kur kemi qëndruar krah për krah, me zemër e besim! Sot është koha për forcë, për guxim, për vendime të mëdha, për një hap drejt së ardhmes”, tha ai.