Kandidati i PDK-së për deputet, Hajdar Beqa, është takuar me bashkëluftëtarët veteranë të UÇK-së nga zona e Llapit.

Beqa pas këtij takimi tha se rrugëtimi ynë si shtet duhet të udhëhiqet nga vlerat dhe idealet që ata mbrojtën me gjak.

“Mbrëmë pata nderin të takoj bashkëluftëtarët veteranë të UÇK-së nga zona e Llapit, simbol i qëndresës dhe sakrificës për lirinë dhe pavarësinë e Kosovës. Rrugëtimi ynë si shtet duhet të udhëhiqet nga vlerat dhe idealet që ata mbrojtën me gjak dhe sakrifica të panumërta.

Është detyra jonë t’i ruajmë këto arritje dhe të forcojmë themelet e shtetësisë sonë. Lavdi dëshmorëve dhe respekt i përjetshëm për çdo luftëtar të lirisë”, ka shkruar ai.