I zoti i shtëpisë shpëtoi nga plumbat, por jo edhe nga vjedhja me vlerë mbi 300 euro.

Strategjinë e kishin të qartë. Hajdutët që vodhën këtë shtëpi në Koshare të Ferizajt, thyen xhamin e dritares për të hyrë brenda nga kjo hapësirë ndonëse e vogël.

Nga goditja me gurë u thye edhe kabina e dushit duke lënë gjurmë të cilat vazhdojnë të jenë evidente edhe gjatë së dielës.

Këtu u vodhën disa stoli ari në vlerë diku mbi 300 euro, mirëpo ky nuk ishte shqetësimi më i madh për pronarin e shtëpisë, Gëzim Beqiri.

Shenja e gëzhojave të plumbave ranë këtu e për fat të mirë Beqiri shpëtoi pa asnjë dëmtim.

Megjithatë, ai bën të ditur se shtëpia e tij ishte cak i vjedhjeve edhe 2 muaj më parë.

Ngjarja kishte shqetësuar edhe fqinjët. Bujar Fazliu tregon se si mori vesh për këtë ngjarje.

Në anën tjetër, Granit Rexhepi shtëpia e së cilit ishte po ashtu cak i vjedhjeve disa vite më parë ka treguar se kjo dukuri nuk është e rrallë në fshatin ku jetojnë.

E, Amir Rexhepi, asamblist në Komunën e Ferizajt, tregon se kanë drejtuar ankesa në adresë të Policisë së Kosovës për neglizhencë në të tilla raste.

Grabitjet janë shtuar dukshëm kohëve të fundit. Në raportin policor të ditës së sotme janë raportuar edhe katër vjedhje të tjera në nivel vendi.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”