Nënkryetari i Kuvendit të Kosovës nga radhët e PDK-së, Xhavit Haliti, ka thënë se nxjerrja e demarkacionit si kusht liberalizimi është presion që po i bëhet Kosovës nga Bashkimi Evropian.

Anëtari i PDK-së tha se nëse nuk votohet Demarkacioni atëherë institucionet evropiane do ta akuzonin Kosovën se “nuk i duan integrimet evropiane”.

“Votimi i demarkacionit për liberalizim të vizave është nxjerr si presion mbi institucionet e Kosovës, për ta qit para një akti të kryer, e nëse nuk e votojnë më pas për të akuzuar që nuk janë për integrime europiane dhe liberalizim të vizave”, ka thënë Haliti për RTK, njofton Insajderi.

Megjithatë pjestarët e tjerë të koalicionit në deklaratat e mëparshme patën mohuar se ka një kusht për Demarkacionin me Malin e Zi. /Insajderi.com