Një ditë më parë, Prokuroria Speciale e Kosovës ka ngritur aktin e akuzës kundër 45 personave kundër sulmit terrorist në Banjskë të Zveçanit, në krye të cilën qëndron krimineli Milan Radoiçiq. Lidhur me këtë ka folur deputeti i PDK-së, Xhavit Haliti, shkruan Insajderi.

Haliti është shprehur se presidenti i Serbisë, Aleksandër Vuçiq, mund ta eliminojë fizikisht Milan Radoiçiqin.

Ai pretendon se Radoiçiq “di shumë për presidentin e Serbisë”, derisa shtoi se ai e ka mik të mirë vëllanë dhe djalin e tij.

“Unë mendoj që Vuçiqi më shpejt ose më lehtë e vret Radoiçiqin, për faktin se Radoiçi din shumë, ai e ka mik të ngushtë Vuçiqin e vëllain e djalin e tij. Kanë biznese bashkë. Këto veprime dihen, kur dikush bëhet rrezik për me ia prishë dikuj karrierën politike, për me sjellë para një gjykate ndërkombëtare, akti si akt me leje të presidentit është shumë i rëndë”, tha Haliti në rtv Dukagjini.