Kandidati i PDK-së për kryeministër, Bedri Hamza, ka reaguar ndaj deklaratës së kryetarit të LDK-së, Lumir Abdixhiku, i cili tha se “opozita nuk është e bashkuar dhe nuk është një subjekt politik”.

Hamza e kundërshtoi këtë qasje, duke thënë se bashkëpunimi mes partive opozitare nuk do të thotë asimilim apo shkrirje e një force politike në tjetrën.

“Askush s’po i thotë, as s’po i kërkon, as s’mundet e as nuk ka të drejtë nesër prej neve të PDK-së me ul në një tavolinë me një subjekt politik, edhe më i thanë hajde shkriju në PDK. Ti s’po e thirr për ata. Hajde bëhemi partner në qeverisje. Haje ulemi në tavolinë”, ka thënë Hamza në Dukagjini.

Më herët, Hamza u shpreh se PDK-ja e sheh si më të natyrshëm një bashkëpunim me LDK-në, koalicionin AAK-Nisma dhe deputetët e komuniteteve joshumicë.

Në anën tjetër, Lumir Abdixhiku ka kërkuar nga liderët e partive opozitare që të mos nguten. Ai ka theksuar se duhet të bisedojë fillimisht me strukturat e partisë së tij, për të marrë një qëndrim të përbashkët./Insajderi

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!