I pari i AAK-së është shprehur i lumtur për miratimin e projektligjit për “Trepçën” nga deputetët e Kuvendit të Kosovës.

“Votimi i Ligjit të Trepçës, është një dëshmi se megjithë dallimet që i kemi, vendimet e drejta na bashkojnë. Interesi për shtetin dhe qytetarin, është mbi secilin prej nesh. Ligji i miratuar sot, tash kërkon zbatim të shpejt dhe pa asnjë devijim të tij”, ka thënë ai.

Më tej Haradinaj ka thënë se shpreson që “vendimet e drejta, të na bashkojnë edhe në rastin e Demarkacionit dhe të Asociacionit”.