Kryetari i AAK-së, Ramush Haradinaj, ka hedhur akuza ndaj kryeministrit Kurti duke thënë se ai jo vetëm që është duke ndjekur agjendën e Serbisë por “është agjent i Serbisë”.

“Jo vetëm agjendë, por Kurti është edhe agjent i Serbisë, punon për ta”, tha Haradinaj.

Tutje kreu i AAK-së ka thënë se në Kosovë mund të ketë ende njerëz që mund të besojnë se Kurti është patriot, megjithatë thotë se aleatët e Kosovës nuk i besojnë Kurtit meqë ata e dinë të dallojnë patriotin e vërtetë dhe mashtruesin.

“Kurtin ende mujn me e kuptu si patriot. Por aleatët tonë që i shërbjenë vendit vet dhe që vdesin për flamurin amerikan dhe që na rujnë qeh 25 vjet e na mbrojnë nuk po i besojnë Kurtit. Sepse dinë ta dallojnë patriotin e vërtetë dhe mashtruesin”, ka potencuar kreu i AAK-së.

Lidhur me vizitën e shefit të CIA-s dhe synimin për hapjen e Urës së Ibrit, Haradinaj thotë se “Kurti i ka shymë dritat”.

“Këto s’ndodhin pa vetëdije. Me e largu kaq shumë Kosovën prej SHBA-së s’ndodh rastësisht. I ka shkym dritat për Urën, s’guxon me folë mo. Me e mlu marren e Urës, po i bon disa lëvizje atje”, ka thënë kreu i AAK-së në T7.