Kandidati për kryeministër i koalicionit AAK-Nisma, Ramush Haradinaj, ka prezantuar katër projektet për qendra të turizmit malor.

Ai ka thënë se nëpërmjet partneritetit publiko-privat, do të investojë në vlera milionëshe në Brezovicë, Bogë, Bjeshkë të Belegut dhe Brod.

Njoftimi i Haradinajt:

E bekuar nga natyra, Kosova do të bëhet me 4 qendra të turizmit malor dhe sporteve dimërore.

Përmes partneritetit publiko-privat, brenda mandatit qeverisës, projektet e mëdha me top prioritet janë:

1. Bjeshkët e Sharrit- Brezovicë – vlera e investimeve 400 milion euro

2. Bjeshkët e Nemuna – Bogë / Rugovë – vlera e investimeve 60 milion euro.

3. Bjeshkët e Nemuna – Bjeshka Belegut – vlera e investimit 20 milion euro

4. Bjeshkët e Sharrit – Brod – vlera e investimeve 20 milion euro.