Kryetari i Aleancës për Ardhmërinë e Kosovës, Ramush Haradinaj, ka kërkuar që të ngritet një memorial për të kujtuar Betejën e Kosovës të vitit 1389.

Sipas tij, kjo betejë është njëra prej datave të rëndësishme në Historinë e Kosovës dhe të Ballkanit.

“Ushtritë shqiptare të kohës, kanë qenë pjesë e një koalicioni të përbashkët të popujve të Ballkanit, në mbrojtjen e Kosovës dhe të civilizimit perëndimor, dhe shumë prej tyre kanë rënë në fushën e Betejës së Kosovës. Shqiptarët kanë hise në historinë dhe në lavdinë e kësaj Beteje”, ka thënë Haradinaj.

“Në nderim dhe në përkujtim të këtyre ushtrive dhe luftetarëve të rënë në këtë Betejë, propozoi ngritjen e një memoriali në hapësirat ku është zhvilluar ajo! Rrjedhimisht kërkoj nga institucionet e Republikës së Kosovës, që ta jetësojnë këtë projekt”, ka shkruar ai në llogarinë e tij në Facebook.

Sot behën 627 vjet nga beteja e Kosovës e cila u zhvillua në rrethinë të Prishtinës,në vitin 1389 ndërmjet një koalicioni të krishterë, kryesisht ballkanik, dhe Perandorisë Osmane e cila për herë të parë fillojë të depërtojë në Ballkan. Në betejë kanë marrë pjesë edhe luftëtarë shqiptarë./Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur