Deputeti i Kuvendit të Kosovës nga radhët e Partisë Demokratike të Kosovës, Nait Hasani, ka insistuar se Ligji për Gjykatën Speciale duhet të rikthehet në Kuvendin e Kosovës për t’u trajtuar edhe një herë.

“Kërkoj nga deputetët që tani është koha dhe momenti të tregojmë se Gjykata Speciale është e padrejtë dhe duhet ta rishqyrtojmë ligjin për këtë gjykatë”, ka thënë Hasni për Epoka e re.

Duke folur rreth mbajtjes së Haradinajt në Francë edhe për një muaj, deputeti Hasani ka thënë se Haradinaj që nga fillimi është peng i politikës.

Hasani ka thënë se rasti i fundit ndaj ish-kryeministrit të Kosovës, Ramush Haradinaj, tregon më së miri se me çfarë sfidash do të përballet Kosova nga Gjykata Speciale.

Deputeti Partisë Demokratike të Kosovës, një kërkesë të tillë e bërë edhe dje në Kuvendin e Kosovës, ndërsa pas tensioneve nga përfaqësuesit e veteranëve të UÇK-së, nënkryetari i Kuvendit, Xhavit Haliti u detyrua të ndërpres seancën./Insajderi.com

.