Deputetja e partisë Guxo, Jeta Statovci, ka deklaruar se bllokimi i konstituimit të Kuvendit të Kosovës është një strategji politike që në thelb synon të bllokojë formimin e Qeverisë Kurti 3.
Sipas saj, të gjitha subjektet politike duhet të kontribuojnë në procesin e konstituimit, duke theksuar se e drejta për të propozuar emrin për kryetar të Kuvendit i takon Lëvizjes Vetëvendosje.
“Këto janë lojëra politike, tendenca bllokuese dhe strategji të mirëfillta për të penguar Qeverinë Kurti 3. Asnjë subjekt nuk i ka votat i vetëm. Kërkohet konsensus i gjerë. Është ekskluzivitet i secilit subjekt të vendosë kë do të delegojë për pozitat drejtuese,” tha ajo.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
