Kandidati për kryetar të Gjilanit nga LDK, Lutfi Haziri ka vizituar Qendrën Kryesore të Mjekësisë Familjare në Gjilan.

Përmes një statusi në Facebook, Haziri ka thënë se QKMF e re është tashmë gati dhe kjo përkthehet me rritje të hapësirave për 5000 metra katrorë dhe 6 shërbime të reja.

Statusi i plotë:

Gjatë ditës vizituam Qendrën Kryesore të Mjekësisë Familjare, ku e rikonfirmuam vazhdimin e programit për familjen – Mjeku n’Shpi. Gjilani është e vetmja Komunë që ka ofruar shërbime shëndetësore në shtëpi për pacientët e prekur nga COVID-19, sikurse edhe ekipi i patronazhës nuk është ndalur asnjëherë.

QKMF e re është tashmë gati dhe kjo përkthehet me rritje të hapësirave për 5000 metra katrorë dhe 6 shërbime të reja. Prioritet mbi prioritetet, ruajtja e shëndetit të popullatës!