Vikendin që lamë pas shumë trupa të qenve të pajetë janë gjetur rrugëve të Mitrovicës së Veriut, madje një prej tyre edhe afër një shkolle fillore.

Shoqata për mbrojtjen e Kafshëve “Šapa” ka apeluar qytetarët që të kenë kujdes dhe në rast se shohin ndonjë gjë të çuditshme ta inqizojnë, raporton Kossev, përcjell Insajderi.

Ata po ashtu kanë nënkuptuar se kanë marrë informacione nga qytetarët që kishin pasur kontakt me helmin në fjalë.

“Ju lutemi të mos i qitni jashtë qentë tuaj,” – ka apeluar kjo shoqatë.

“Kësaj radhe, helmi është ndryshe, është pa ngjyrë,”- është thënë më tej në njoftimin e shoqatës./Insajderi