Menaxheri i ri i skuadrës londineze ende nuk ka ardhur, por klubi i Chelseat i ka bërë tashmë planet për ndryshimet në kontingjentin e skuadrës për sezonin e ri 2016/17.

Chelsea e shënoi një rekord negativ gjatë këtij edicioni, duke u bërë skuadra më e dobët mbrojtëse e titullit në Premier Ligë, pasi përfundoi e dhjeta në tabelë, derisa një vit më parë kishte triumfuar në elitën e futbollit anglez.

Pikërisht ky dështim, ka bërë që drejtuesit e klubit të projektojnë blerje të mëdha këtë afat kalimtar të verës.

Çështje kryesore në kampin e bluve” tani është bërë ajo e kapitenit John Terry, i cili pritet të qëndrojë edhe një edicion tek Chelsea. Kapiteni dhe klubi kanë rënë dakord që të zgjasin marrëveshjen edhe për një edicion me një përgjysmim të rrogës, nga 160 mijë funte në javë, në 60 mijë sosh.

Chelsea tanimë ka në plan disa lojtar nga liga italiane Serie A. Me të shitur egjiptianin Mohammed Salah tek Roma për 11 milionë funte, londinezët kanë diskutuar për blerjen e Nainggolanit dhe mbrojtësit Manolas.

Përderisa, blutë nuk do të vënë në funksion klauzolën blerëse të sulmuesit kolumbian Radamel Falcao, i cili do të kthehet tek Monaco sezon e ardhshëm. Nga skuadra pritet edhe largimi i sigurt i Loic Remy.

Sipas portalit të famshëm ndërkombëtar Goal.com, trajneri italian Conte është duke kërkuar një sulmues për vitin e ardhshëm dhe për këtë ia ka prezantuar klubit një listë të shkurtër me emrat e sulmuesve.

Higuan, Morata dhe ish-futbollisti i Chelseat Lukaku janë në objektivin e skuadrës së Chelsea-it. /Insajderi.com