Njeriu që i qëndron afër në pothuajse çdo aktivitet kryetarit të Gjilanit, Alban Hyseni, i është besuar një pozitë e rëndësishme në Komunë. Astrit Sherifi, i cili është pas kryetarit Hyseni në çdo ngjarje, është ‘shpërblyer’ me pozitën zyrtar i lartë i prokurimit, shkruan Insajderi.
Komuna e Gjilanit me 11 shkurt ka publikuar rezultatet për pozitën “Zyrtar i Lartë i Prokurimit”.
Kushtet e parapara për këtë pozitë sipas njoftimit të Komunës i kanë plotësuar pesë persona.
“Në përfundim të verifikimit paraprak të aplikacioneve të pranuara dhe dokumentacionit të bashkangjitur në aplikacion, NJBNJ konstaton se aplikantët e poshtëshënuar i plotësojnë kushtet e parapara për plotësimin e pozitës punuese si në vijim”, thuhet në njoftim.
Nga këta pozitën, arriti ta marrë, Astrit Sherifi me 97.4 pikë.
Burime të Gazetës Insajderi bëjnë me dije se i punësuari nuk është person i pa njohur për kryetarin.
Ai madje sipas këtyre burimeve është personi që kryetari e ka pas vete në çdo aktivitet.
Insajderi ka siguruar disa foto të Sherifit që vërtetojnë se i njëjti merr pjesë në organizime të partisë, përurime të objekteve dhe në ngjarje të tjera.
Atij tashmë me pozitën e re do të ketë ndikim në tenderët e kësaj komunë.
Gazeta Insajderi ka provuar të marrë një përgjigje nga Komuna, lidhur me këtë punësim dhe se a ka ndikuar afërsia me kryetarin, por që nuk kanë kthyer përgjigje.
Insajderi vazhdimisht ka raportuar për parregullsitë në Gjilan:
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
