Aktori Gert Ferra është përplasur mbrëmë në BBVA me tone të larta me Laert Vasilin, lidhur me një ngjarje të ndodhur jashtë shtëpisë së Big Brother Vip.

Ferra e akuzoi Vasilin për një incident të ndodhur jashtë shtëpisë, duke pretenduar se ai kishte dhunuar një grua në një lokal, ndërsa Vasili i mohoi këto akuza duke e quajtur një sulm të pabazuar.

Por, kjo histori ishte raportuar në media në vitin 2015.

Dy aktorë të njohur shqiptarë thuhej se ishin përfshirë në një sherr banal.

Sipas dëshmitarëve thuhej se në lokal, “molla e sherrit” ka qenë një vajzë, e cila ishte shoqëruesja e Laertit, e siç mendohet, edhe e dashura e tij

Aktori, Laert Vasili, sipas dëshmitarëve e kishte tepruar me alkoolin, ndërsa kishte filluar të fyente të dashurën e tij në publik. I shqetësuar nga situata, Gert Ferra kishte ndërhyrë, duke i dalë në mbrojtje vajzës që bën pjesë në rrethin e aktorëve, ndërsa sipas të pranishmëve i kishte kërkuar Laertit të ulë zërin, moment që ka sjellë edhe konfliktin e madh mes tyre.

Për shkak të rezistencës së Laertit, gjatë përleshjes aktorët kishin rrëzuar tavolinat dhe shishet, duke shkaktuar kaos në lokal.

Pjesë e ngjarjes kanë qenë edhe disa punonjës policie.