Filmi ‘Home Sweet Home’ me skenar nga Zymber Kelmendi, i mbështetur nga Qendra Kinematografike e Kosovës dhe Agjencia e Filmit në Maqedoni po tregon mjaft suksese.

‘Home Sweet Home’ do të jetë në konkurrencën zyrtare edhe në edicionin e 47 të International Film Festival në Indi, duke shënuar kështu premierën aziatike në Goa të Indisë.

Përveç shfaqjeve që do t’i ketë në Cairo International Film Critics Week dhe në International Film Festival në Indi, ky film në nëntor do të shfaqet edhe në Film Festival Cottbus në Gjermani, ku është në konkurrencë zyrtare për regjisorët debutant, bënë të ditur Qendra Kinematografike e Kosovës.

Ky film që tregon historinë e Agronit, i cili për disa vite ka qenë i zhdukur dhe pasi kthehet në shtëpi, ai përballet me rrethin, të cilët, emrin e tij e kanë përdorur për përfitime personale, do të përfaqësoj Kosovën si propozimi zyrtar në kategorinë ‘Filmi më i mirë i huaj’ të Akademisë Oscar. /Insajderi.com