Deputeti i LDK’së, Avdullah Hoti, ka reaguar pas mbajtjes së mbledhjes së Kryesisë së Kuvendit, e cila s’ka pasur kuorumin e mjaftueshëm meqë s’kanë marrë pjesë tri parti të tjera përveçse LVV’ja.

Hoti me anë të një shkrimi në ‘Facebook’ e ka quajtur këtë veprim jo-kushtetues, duke shtuar se që nga certifikimi i rezultatit zgjedhor nga ana e Komisionit Qendror të Zgjedhjeve (KQZ), kjo qeveri po funksionon në mënyrë jo-kushtetuese, shkruan Insajderi.

“Me mbajtjen e mbledhjes së sotme të Kryesisë së Kuvendit, në mungesë të një nënkryetari, edhe Kuvendi i Kosovës nis funksionimin jokushtetues. Dy aktgjykimet e fundit të Gjykatës Kushtetuese dhe vetë Kushtetuta specifikojnë se Kuvendi i Kosovës konstituohet kur zgjidhet kryetari dhe nënkryetarët, duke mos lënë hapësirë interpretimi nëse ndonjëri nga nënkryetarët e Kuvendit nuk zgjidhet.

Ndërkaq, Qeveria e Kosovës në detyrë është duke funksionuar në mënyrë jokushtetuese që nga certifikimi i zgjedhjeve nga ana e KQZ-së, pasi anëtarët e Qeverisë që janë certifikuar si deputetë nuk mund të ushtrojnë poste ministrore. Ky nuk është opinion, por fakt sipas aktgjykimit të Gjykatës Supreme të datës 26 qershor 2025, i cili mbi këtë arsyetim e shpalli të paligjshëm një udhëzim administrativ të Ministrit të Financave“, ka deklaruar ai.

Kritika ka pasur edhe për ish-bashkëpartiaken e tij, Vjosa Osmanin, për të cilën ka thënë se s’është dhe s’ka qenë asnjëherë në krye të detyrës së presidentes.

“Do të na kushtojë edhe fakti se kemi një presidente që nuk është dhe nuk ka qenë asnjëherë në krye të detyrës. Kushtetuta e obligon atë të sigurojë funksionimin kushtetues të institucioneve të vendit. Jo vetëm që nuk e kryen këtë obligim, por ajo i lë edhe institucionet e tjera pa bartës, siç është rasti me mosemërimin e Kryeprokurorit të Shtetit. Që nga data 26 qershor 2025, kur doli vendimi i Gjykatës Supreme, asnjë fjalë nuk e ka thënë. As tani, kur Kuvendi i Kosovës po nis funksionimin jokushtetues, nuk e dëgjojmë të thotë një fjalë“, përfundon ai. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!