Ministrja e Drejtësisë, Dhurata Hoxha, ka takuar Ulrike Lunaçek, nënkryetaren e Parlamentit Evropian dhe Raportuese për Kosovën, një ditë pas publikimit të raportit të progresit.

Hoxha gjatë këtij takimi, shprehu përkushtimin në  realizimit të reformave për sundimin e ligjit, dhe forcimi i shtetit ligjor si kriteri i dytë për procedim e liberalizimit të vizave.

“Qeverisja e Mirë dhe Sundimi i Ligjit, përfshin politikat kundër korrupsionit, reformës në drejtësi, sistemin e llogaridhënies, transparencës së funksionimit të institucioneve. Ne do t’i ëojmë këto rekomandime”, theksoi Hoxha.

Hoxha, foli për ecurinë e rishikimit gjithëpërfshirës të legjislacionit, sic është Kodi Penal dhe Kodi i Procedurës Penale që prekin çështjet thelbësore të evidentuara në Raportin e Progresit.

Ndërkaq Ulrike Lunaçek potencoi se progresi i arritur duhet çuar përpara sepse rruga euro-integruese e Kosovës është e pakthyeshme dhe ofroi mbështetjen e saj të plotë që ky proces të përmbyllet sa më parë dhe me sukses. /Insajderi.com