Huawei kaloi një 2019 sfiduese për shkak të sanksioneve Amerikane të cilat po ndikojnë në shitjen e smartfonëve por edhe në industrinë e telekomunikacionit.

Ende kjo nuk ka penguar prodhuesin Kinez të kalojë një tjetër vit rekord. Kompania tha se ka shitur 200 milionë smartfonë globalisht në 2019. Vitin e kaluar kompania arriti këtë objektiv 64 ditë më vonë sesa në 2019.

Sanksionet Amerikane të vendosura në Maj nga Shtetet e Bashkuara do të thotë se telefonët Huawei nuk mund të përdorin shërbimet mobile të Google. Ky ndalim u ndie me Huawei Mate 30 i cili pati një debutim të kufizuar jashtë Kinës për shkak se nuk vinte me aplikacionet e Google përfshirë këtu edhe Play Store.

Volumi i shitjeve kryesisht po vjen nga performanca në Kinë ku shërbimet dhe aplikacionet e Google nuk përdoren. Gjithashtu mund ti atribuohet edhe performancës së mirë globale në tre mujorin e parë ende pa hyrë në fuqi sanksionet.

Kompania ka edhe dy muaj për të shkuar drejt fundit të vitit dhe shitjet e smartfonëve pritet të jenë akoma më të larta. Analistët po pyesin nëse Huawei mund të arrijë objektivin e 300 milionë smartfonëve të shitur pa sanksionet Amerikane, diçka që duket një mision i pamundur. /PcWorld Albanian