Policia e Kosovës sot në Gjilan i ka arrestuar dy persona të dyshuar për veprën penale “Fajde dhe Detyrim”.

Gazeta Insajderi ka mësuar se të arrestuarit janë Mefail Shkodra dhe djali i tij, Edonis Shkodra.

Ndaj tyre janë caktuar 48 orë paraburgim.

I arrestuari Mefail Shkodra në disa fotografi të publikuara në Facebook shihet nën shoqërimin e figurave politike me ndikim të madh në Kosovë.

Ai është fotografuar me kryeministrin Albin Kurti, presidenten Vjosa Osmani dhe bashkëshortin e saj, Prindon Sadriu.

Po ashtu, i njëjti ka foto edhe me kryetarin e komunës së Prishtinës, Përparim Rama.

Se a ka afërsi me ta apo janë vetëm foto çasti kjo nuk dihet.

Sipas raportimeve të deritanishme në kërkim për veprën penale “Fajde dhe Detyrim” janë edhe Albert Rexhepi i njohur si “Albert Malisheva” si dhe vëllai i tij. /Insajderi.org