Policia e Kosovës orë më parë kishte raportuar për arrestimin e zyrtarit të Komunës së Przrenit, Izet Osnamaj që dyshohet se ka mundësuar prerjen e 60 metrave kub dru, të cilat iu dhanë një kompanie private, ndonëse Drejtoria e Shërbimeve Publike kishte kërkuar që të dërgohen në hapësirat e Shërbimit të Pylltarisë.
Përmes dëshmive të siguruara, Insajderi ka marrë vesh se Osmanaj në vitin 2013 ishte kandidat i PDK-së në Prizren për Asamblenë Komunale.
Madje në një fotografi, të siguruar nga Insajderi, ai shihet duke festuar bashkë me asamblistin aktual të PDK-së në Prizren, Alban Bislimaj.
Po ashtu në zgjedhjet e fundit për kryetar të Komunave, Osmanaj kishte shkuar në zyre për ta uruar kryetarin Shaqir Totaj për fitore.
Prokuroria ka bërë të ditur se masa drunore për momentin është në proces të sekuestrimit të përkohshëm, ndërsa i dyshuari pas intervistës në prezencë të mbrojtësit, me aktvendim të prokurorit është ndaluar për 48 orë./Insajderi/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
