Thiago Messi, i biri i fituesit tetë herë Topit të Artë Lionel Messit, duket se po shkon hapave të babait të tij.

Duke luajtur si sulmues dhe me numrin ’10’ në shpinë, djali i Leo Messit tashmë po tërheq vëmendjen me paraqitjet e tij në fushë.

Thiago ka pasur një paraqitje të shkëlqyer në ndeshjen e U13-shave të Inter Miamit kundër Atlanta United. Ai ka shënuar 11 gola në këtë ndeshje, sipas Sport, përcjell Insajderi.

Pra, nga rezultati 0-12, të 11 golat i kishte shënuar Thiago Messi.

Nuk ka dyshim se ai ka ende rrugë të gjatë për të bërë, por Thiago Messi tashmë po tregon shenja për t’u bërë një futbollist i nivelit të lartë në të ardhmen. /Insajderi.org/