Një 32-vjeçar shqiptar ka rrahur tre oficerë burgu në Francë mëngjesin e 31 gushtit dhe më pas kërcënoi të tjerët me vdekje të nesërmen.
Mediat vendase raportojnë se ditën e djeshme pritej dalja për masë sigurie në Gjykatën e Bordosë, por seanca dështoi.
Shqiptari, emri i të cilit nuk bëhet me dije, ka mbetur në qelitë e Burgut të Gradignan.
Autoritetet kanë kërkuar ekspertizë psikiatrike për 32-vjeçarin me origjinë shqiptare, i cili sulmoi me dhunë tre punonjës, duke e sulmuar njërin prej tyre me një copë xhami në fytyrë dhe duke i shkaktuar 17 qepje.
32-vjeçari më pas kërcënoi agjentët e tjerë me vdekje, sipas sindikatës Ufap (Sindikata Federale e Ndëshkimit Autonome), UNSa Justice.
Organizata po bën thirrje që i burgosuri të transferohet në Njësinë për të Burgosur të Dhunshëm (UDV).
“Vendi i tij duhet të jetë në një njësi të dedikuar psikiatrike ose UDV,” tha ajo në një deklaratë për shtyp.
Akuza se pse shqiptari ndodhej në burg ende nuk dihet.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
