Prezantuesja dhe këngëtarja e njohur shqiptare, Orinda Huta, po kalon një moment të vështirë në jetën e saj personale, pasi ka ndarë me publikun lajmin e ndarjes nga jeta të të atit, Isuf Huta.
Lajmi është konfirmuar përmes një postimi emocional në rrjetet sociale, ku Orinda shpreh dhimbjen për humbjen e njeriut më të dashur në jetë.
“Me zemër të thyer lajmërojmë se babai ynë Isuf Huta ndërroi jetë qetësisht më 5 korrik. Ne kemi qenë të bekuar nga prezenca e tij në jetë dhe do mbesë gjithmonë në kujtimet tona”, ka shkruar ajo.
Përveç njoftimit zyrtar, moderatorja ka prekur zemrat e ndjekësve me një tjetër postim në InstaStory, ku shkruan: “Kërcimi i fundit babo”.
Një shprehje që bart në vete një emocion të thellë, mall dhe ndjeshmëri për lidhjen e veçantë që kishte me të atin.
Orinda Huta, e cila prej vitesh është një figurë e dashur e ekranit shqiptar, ka preferuar të ndajë në mënyrë të përmbajtur dhe me shumë respekt këtë moment të dhimbshëm, duke e kthyer kujtimin për babanë në një mesazh të ngrohtë dhe të ndjerë për të gjithë ata që e njohën.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
