Po vazhdojnë sulmet e Lëvizjes Vetëvendosje ndaj mediave në Kosovë.

I radhës që iu bashkua korit të formuar shumë vite më herët e që u rikthyen me sulme ditëve të fundit është edhe asambleisti i partisë së Albin Kurti në Prizren, Selman Sokoli.

Në një shkrim në rrjetet sociale, Sokoli ka përdorur gjuhë fyese ndaj gazetarëve, të cilët i ka quajtur “zagarë”.

“I pash disa profile të gazetarëve të nacionales dhe periskopit (zakonisht kurrë si lexoj). Postime fyese, sharje e ofendime, insinuata e gjendje deliri. Këta i paskan dresiratë si zagartë. Gjynah me të ardhë çfarë niveli. Përnime kokan për gjynah. E gazetaria paska shku për lesh nëse këta i mbronë AGK apo kushdo qoftë. Këta paskan nevojë për trajtim nga tërbimi”, ka shkruar ai.