Gjykata e Pakistanit e ka dënuar me vdekje një 22-vjeçar nën akuzat për blasfemi në mesazhet në Whatsapp, raporton BBC.

Gjykata në provincën e Punjabit ka deklaruar se ai ka shpërndarë fotografi blasfemi dhe video që kishin synim nxitjen e pakënaqësisë fetare te myslimanët.

Ndërkaq, një 17-vjeçar është dënuar me burgim të përjetshëm si pjesë e këtij rasti. Të dy kanë mohuar se kanë bërë diçka të gabuar.

Blasfemia ndëshkohet me vdekje në Pakistan. Disa persona janë linçuar edhe para se rastet e tyre të dërgoheshin në gjykatë.

Akuzat i ka ngritur njësia e krimeve kibernetike në Lahore.

22-vjeçari është dënuar me vdekje për montazhin e fotografive dhe videove që përmbanin fjalë fyese për profetin Muhammad dhe gratë e tij.

Ndërkaq, 17-vjeçari është dënuar me burgim të përjetshëm për shpërndarjen e materialit.