Një përleshje mes gjashtë personave ka ndodhur në orët e para të së dielës në Zonën Industriale, afër diskotekave.

Dyshohet se katër nga këta persona kanë rrahur dy të tjerë.

Nuk është ende e qartë se çfarë shkaktoi këtë konflikt, por gjykata ka marrë masa ndaj katër të dyshuarve, të cilët janë ndaluar në paraburgim nga Gjykata Themelore në Prishtinë.

Lajmin për Insajderin e ka konfirmuar, zëdhënësja e Gjykatës, Mirlinda Gashi.

Prokurori i Shtetit ka urdhëruar fillimin e procedurës për veprën penale “Lëndim i rëndë trupor” ndaj të dyshuarve.