Policia pakistaneze ka shpëtuar rreth 24 persona të cilët mbaheshin peng me qëllim të transplantimit të veshkave.

“Ne do të t’u heqim veshkën tuaj, dhe ju do të merrni 300 mijë rupi”, ka qenë kontrata e bërë nga kjo bandë në Pakistan.

Një nga personat e shpëtuar, Sadi Ahmed ka treguar se është mbajtur peng për tre muaj nga një bandë e trafikimit të organeve, në një qytet të Pakistanit, shkruan BBC.

Viktimat janë mbajtur në robëri për disa muaj, ndërsa Sadi Ahmed ishte një nga 24 personat e shpëtuar nga policia në qytetin Ravalpindi në Pakistan.

Ata kishin qenë të burgosur në një ndërtesë në një lagje të pasur, në pritje të largimit me forcë të veshkave të tyre.

Tre persona janë në gjyq për këtë shkak. Ata mohojnë çdo përfshirje në transplantet e paligjshme dhe trafikimit me organe.

Policia ka treguar se viktimat ishin joshur me shpresën se do të merrnin një vend pune.

Ata madje ishin mashtruar edhe duke rregulluar dokumentet përkatëse për të punuar, tregon i mbijetuar nga ky grup për BBC, raporton Insajderi.

Ahmed ka thënë për BBC, se ai është mbajtur në një ndërtesë, ku të gjitha gjërat ia kishin marrë dhe e kuptua shumë shpejt se nuk kishte punë për ta.

“Ka pasur 20 deri në 25 persona të tjerë të mbyllur. Më urdhëruan dhe më thanë se të rrija i qetë dhe pas 10 minuta më morën për të bërë një test”, ka treguar ai për BBC.

Pra trafikantët kishin kërkuar për ta marrë veshkën e tij, në shkëmbim për  2,300 rubi.

Sekretari i përgjithshëm i Shoqërisë në Pakistan, thotë se vitin e fundit ka pasur një numër të madh të transplantimit me organe ku më shumë se 100 transplante të paligjshme bëhen çdo muaj./Insajderi.com