Lideri i Lidhjes Demokratike të Kosovës që nga themelimi i saj, i njohur edhe si lider paqësor i Kosovës, Ibrahim Rugova, kërkonte që problemet me Serbinë të zgjidheshim në mënyrë paqësore.

Ai u krahasuar edhe me liderë botërorë të paqes, si Mahatma Gandi – lider i të drejtave të njeriut në Indinë e asaj kohe. Po ashtu u krahasua edhe me Nelson Mandelën – lider i Afrikës së Jugut.

Megjithatë, edhe pse e çmon lart veprën e tij, ai konsideron se Ibrahim Rugova e teproi me rezistencë paqësore në Kosovë.

Ish-delegati i Kuvendit të Kosovës në vitin 1990, Adem Mikullovci, ka thënë se Rugova hezitonte ta merrte udhëheqjen e Lidhjes Demokratike të Kosovës.

“Një artist, një shkrimtar, një studiues, i cili, thuajse zori e ka shti mu marrë me politikë. Rugova nuk ka qenë shumë entuziast të bëhet kryetar i Lidhjes Demokratike të Kosovës. Me zi e ka pranuar”, ka thënë Ademi Mikullovci në emisionin ‘Personale’ në TV Dukagjin.

Mikullovci e përshkruan ish-presidentin Rugova si njeri të butë, por ka thënë se pak e teproi me rezistencë paqësore.

“Prej natyrës ka qenë pak i butë, dhe kah fundi, me rezistencën paqësore pak e zgjati. Megjithatë, e ka vendin në histori dhe është i pazëvendësueshëm, dhe është njeri i duhur në kohën e duhur”, ka shtuar ai.