Kandidati për asamble në Skenderaj nga Lëvizja Vetëvendosje, Ilir Seferi, ka bërë një krahasim mes bujqësisë dhe politikës, duke theksuar rëndësinë e ndryshimit pas shumë viteve të njëjtës qeverisje.

Seferi tha se njësoj si toka që lodhet kur kultivohet çdo vit me të njëjtën kulturë, edhe një vend ngec kur udhëhiqet vazhdimisht nga të njëjtët njerëz.

🌱 “Toka, nëse shfrytëzohet njëtrajtshëm çdo vit, humb pjellorinë dhe bëhet më e ndjeshme ndaj sëmundjeve e dëmtuesve. Rotacioni i kulturave është mënyra më e shëndetshme për t’i dhënë asaj pushim dhe forcë – çdo kulturë përdor lëndë ushqyese të ndryshme dhe e pasuron tokën për të ardhmen,” – theksoi ai.

Duke e lidhur këtë me qeverisjen lokale, Seferi shtoi:

“Edhe në politikë ndodh njësoj. Ju kurrë nuk e keni ndryshuar votimin, dhe kjo është arsyeja pse Skenderaji sot përballet me mungesë uji, kanalizimi, trajtimi të mbetjeve, mungesë investimesh, fabrikash, biblioteke funksionale, teatri e rrugësh lokale cilësore. Lista është e gjatë, por edhe ju e dini këtë shumë mirë.”

Ai u bëri thirrje qytetarëve që këtë herë të mendojnë për të ardhmen dhe të votojnë për ndryshimin e shumëpritur:

✅ “Voto për një Skenderaj që mendon për të ardhmen.”
✅ Lista 105 – Nr. 25

Seferi përfundoi duke theksuar se ndryshimi është i domosdoshëm për t’i dhënë qytetit zhvillimin që meriton – njësoj siç toka ka nevojë për pushim dhe rigjallërim për të qenë pjellore për brezat që vijnë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur