Prokuroria Speciale e Republikës së Kosovës ka ngritur sot aktakuzë kundër imamit Shefqet Krasniqi.

Ndër tjera ai akuzohet edhe për shmangie tatimi.

“Sipas prokurorisë, i pandehuri i lartcekur si tatimpagues dhe pronar i biznesit N.T ‘Portat’, ka fshehur dhe shmangur tatimin, me dashje ka dhënë tё dhëna tё pasakta, si dhe nuk i ka deklaruar tё dhënat tjera relevante lidhur me obligimet tatimore, duke iu shmangur obligimeve tatimore në vlerë tё përgjithshme prej  20,208.57 €.”, thuhet në njoftimin e Prokurorisë Speciale.

Përveç kësaj, imam Krasniqi akuzohet edhe për veprat penale ‘Shtytja për kryerjen e veprave terroriste’, ‘Nxitja e urrejtjes, përçarjes ose mos durimit kombëtar, racor, fetar apo etnik’, dhe Shmangia nga Tatimi.

Aktakuza është ngritur nga një prokuror vendës i Prokurorisë Speciale të Republikës së Kosovës, i cili i ka propozuar gjykatës që të pandehurin ta shpallë fajtor dhe ta dënojë sipas ligjit./Insjaderi.com