Influencerja e njohur ndërkombëtare, Lily Jay, ka vizituar së fundmi Kosovën, duke ndarë me ndjekësit e saj në TikTok disa momente të veçanta nga kjo përvojë.
Në një video që ka tërhequr vëmendje të madhe në rrjet, ajo ka shprehur entuziazmin e saj për bukuritë natyrore të vendit, mikpritjen e ngrohtë të njerëzve dhe ushqimin tradicional shqiptar.
“Është një nga përvojat më pozitive që kam pasur. Kosova më ka befasuar në çdo aspekt,” ka deklaruar Lily Jay në videon që tashmë ka grumbulluar mijëra pëlqime dhe komente pozitive.
Një detaj që ajo ka veçuar është fakti se rreth 95% e popullsisë në Kosovë janë myslimanë, të cilin e ka përshkruar si një element kulturor interesant që kontribuon në diversitetin dhe pasurinë shpirtërore të rajonit.
Lily Jay është e njohur për përmbajtjen e saj unike, që shpesh përfshin përdorimin e inteligjencës artificiale, si dhe për trajtimin e temave të ndjeshme që lidhen me fenë islame dhe të krishterë. Vizita e saj në Kosovë ka nxitur një valë komentesh pozitive, duke vënë në pah potencialin turistik dhe kulturor të vendit në sytë e një audience globale.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
