Inspektorati Policor i Kosovës (IPK) ka arrestuar sot katër zyrtarë policorë në Mitrovicën e Jugut, të dyshuar për veprën penale “manipulim me prova”.

Sipas IPK-së, hetimet fillestare tregojnë se më 13 shtator 2025 zyrtarët policorë nuk kanë proceduar me rast penal në një incident të kategorizuar si “Shkaktim i rrezikut të përgjithshëm”. Po ashtu, ata dyshohen se kanë fshehur dhe manipuluar me provat e gjetura në vendngjarje.

Me vendim të Prokurorisë Themelore në Mitrovicë, të dyshuarve u është caktuar masa e ndalimit prej 48 orësh.

Si pjesë e procedurave administrative, IPK ka rekomanduar suspendimin e katër policëve, të cilët ishin me detyrë në Stacionin Policor të Mitrovicës së Jugut.

Hetuesit e IPK-së, në bashkëpunim të plotë me Prokurorinë, do të vazhdojnë hetimet për të ndriçuar të gjitha rrethanat që lidhen me këtë rast.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!