Irani tha se sulmi i tij me raketa ndaj bazës ajrore Al Udeid në Katar përputhej me numrin e bombave që Shtetet e Bashkuara hodhën mbi objektet bërthamore iraniane këtë fundjavë, duke sinjalizuar dëshirën e mundshme të Iranit për zbutje të tensioneve, raporton AFP.

Irani bëri këtë njoftim të hënën vonë në një deklaratë të Këshillit të Lartë të Sigurisë Kombëtare, pas sulmit, të cilin Katarit tha se nuk shkaktoi asnjë të lënduar.

Irani gjithashtu tha se zgjodhi të sulmonte bazën pasi ajo ndodhet jashtë zonave të banuara.

Irani lansoi sulme me raketa të hënën ndaj bazave ushtarake amerikane në Katar dhe Irak, duke iu hakmarrë për bombardimet amerikane ndaj objekteve të tij bërthamore dhe duke rritur tensionet në këtë rajon të paqëndrueshëm.

Njerëzit në Dohë, kryeqytetin e Katarit, ndaluan dhe ngritën kokën drejt qiellit teksa raketat fluturonin dhe interceptuesit godisnin të paktën një prej tyre në qiell gjatë natës.

Irani njoftoi në televizionin shtetëror se sulmoi forcat amerikane të stacionuara në bazën ajrore Al Udeid në Katar.

Një mbishkrim në ekran e quante këtë “një përgjigje të fuqishme dhe të suksesshme” ndaj “agresionit amerikan” ndërsa luhej muzikë ushtarake.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!