Kryeministri Isa Mustafa, ka postuar një fotografi me presidentin e ndjerë, Ibrahim Rugova për të dërguar mesazh se cfarë kontributi kanë dhënë Shtetet e Bashkuara të Amerikës për Kosovën.

Fotografia është bërë në vitin 1998, në Washington.

“E takova Presidentin Rugova, i cili ishte atje për takime të nivelit më lartë dhe në bisedë e sipër më tha: ‘Amerikanët janë miqtë tanë, shpresat i kemi te ta. Lirinë tonë dhe shtetin tonë mund ta bëjmë vetëm me përkrahjen e tyre’”, ka thënë Mustafa në një postim në Facebook.

“Doli ashtu si e tha Rugova, SHBA-të na ndihmuan të lirohemi nga pushtimi, dhuna e represioni serb, të ndërtojmë shtetin e pavarur, ta njeh pavarësinë tonë numri më i madh i vendeve anekënd globit”, ka shtuar më pas ai.

Sipas Mustafës, Rugova kishte besim të pakufi në SHBA.

“Ky ishte besimi i qytetarëve të Kosovës që ai i përfaqësonte, dhe sot ky besim është i palëkundur”./Insajderi.com