Shkëlzen Gashi, ish-këshilltar i kryeministrit Albin Kurti, ka folur përsëri për skandalin e ambasadorit, Martin Berishaj.

Gashi ka thënë se duket se Vetëvendosje ka përfituar ilegalisht para nga Berishaj.

“Si duket këta kanë marrë pare dhe nuk munden tani me liru. Ky i ka dhënë pare Vetëvendosjes si subjekt politik, nuk ka të keqe donacioni, por me gjasë i ka dhënë ilegalisht”, ka thënë Gashi në T7.

Lexo edhe:

Gashi shtoi se “fakti që e mbrojnë kështu tregon se këta e kanë një hall”.

Ai ka thënë se Berishaj duhet të jap dorëheqje pa ia kërkuar.

“Ky ish dashtë vetë me kanë i ndershëm dhe me u tërheq”, ka theksuar ai.

Më tej, Gashi ka thënë se Berishaj është “zajabant” dhe duhet të shkarkohet sa më parë.

“Kur shkon Lubjanë ju thotë se jam profesor i Universitetit të Prishtinës dhe Tiranë, kur vjen në Prishtinë thotë se jam profesor i Universitetit të Lubjanës“, ka thënë ai.

Lexo edhe:

Ndryshe Gashi ditë më parë ka kërkuar shkarkimin e Berishajt.

Deri më tani Qeveria Kurti nuk ka marrë ndonjë masë për të pavarësisht hetimeve që po bëhen ndaj tij për përshirjen në skandalin financiar me 100 milionë euro.