Ministria e Edukimit e Rumanisë duhet t’ia heqë titullin “Doktor i Juridikut” ish kryeministrit Victor Ponta, për shkak të plagjiaturës, kështu ka rekomanduar komisioni lokal i cili vlerëson titujt akademik.

Ky vendim vjen katër vite pasi Ponta u akuzua për herë të parë se kishte bërë plagjiaturë në gjysmën e temës së doktoraturës, shkruan Romania-insaider.

Komisioni teknik brenda Këshillit Kombëtar për Vërtetimin e Titujve Universitar, Diplomave dhe Certifikatave, ka vendosur se Victor Ponta ka bërë plagjiaturë në shumicën e punës në temën e tij të doktoraturës në të drejtën ndërkombëtare, në bazë të cilës ai e fitoi titullin “Doktor i Juridikut” nga Universiteti i Bukureshtit në vitin 2003.