Ish-kryeministri i Sllovenisë, Janez Jansha, i është bashkangjitur reagimeve të shumta për arrestimin e drejtorit të KEK-ut, Nagip Krasniqi.

Krasniqi u arrestua të mërkurën nga Policia e Kosovës nën dyshimin se ka keqpërdorur detyrën e tij zyrtare.

E ish-shefi i qeverisë sllovene prangosjen e Krasniqit e ndërlidhi edhe me hetimet në rastin e ambasadorit të Kosovës në Kroaci, Martin Berishaj. Diplomati kosovar po dyshohet po ashtu për shpëlarje parash e që është implikuar në një skandal të madh energjetik në Ballkan

“E fundit: Arrestimet dhe bastisjet e shtëpive në industrinë elektrike të Kosovës, me sa duket rezultat i gjetjeve të hetimit të rastit Berishaj – GENI – presidentit Golob”, shkroi Jansha në rrjetin e tij social “Twitter”.