Derisa ishte president i Iranit, Mahmud Ahmadinexhad, në punë ka shkuar me autobus ndërsa gruaja e tij ka punuar si pastruese në një medrese.

Bota e njeh si një kritikues të zjarrtë derisa ishte në funksion si president kurse sot ai ruan dele.

Gjatë mandatit të tij, televizioni amerikan Fox News e pyet se çfarë mesazhi jep kur e sheh veten në pasqyrë.

“Në pasqyrë shoh një person dhe i them se ti nuk je asgjë më shumë se një shërbëtorë”, citohet të ketë thënë Ahmedinexhad.

Kur për herë të parë ka hyrë në kabinetin presidencial, ka ndërruar qilimat luksoz duke i vendosur të thjeshtë, e ato tjerët i ka dhënë për xhaminë e Teheranit.

Kur u bë president ka raportuar pasurinë e tij, një makinë Pezho 504-Ka nga viti 77 si dhe një shtëpi të vjetër në një nga pjesët më të varfra të Teheranit e trashëguar nga babai i tij.

Më interesante ka qenë torba me të cilën ai vinte në punë secilën ditë, në të ka pasur ushqim të përgatitur nga gruaja.

Shpesh i ka ndihmuar pastruesit nëpër rrugët e qytetit.

Kur ka qëndruar në hotele ka kërkuar dhomë të vogël dhe mos ketë krevat të madh sepse ka fjetur poshtë në dysheme.

Gjatë mandatit të tij secili ministër ka nënshkruar dokument ku ka deklaruar se do qëndrojë i varfër dhe se llogaritë e tij dhe të familjarëve do të kontrollohen shpesh, shkruan zhurnal.mk.

Ai nuk ka pranuar as pagë presidenti. Sipas tij, pasuria i takon popullit dhe puna e tij ka qenë që të mbrojë atë.

Jeton nga paga prej 250 euro që merr si profesor universitar.

Ish-presidenti i Iranit, Mahmud Ahmedinexhad, njihet si një lider i ashpër ndaj perëndimit, i cili shpesh ka pasur mosmarrëveshje për shkak të pasurimit të uraniumit.

ShBA-ja e akuzonte atë për prodhimin e armëve bërthamore. Disa herë inspektorë ndërkombëtarë kishin monitoruar punën në reaktorët bërthamor në Iran.