Adil Rami ka kritikuar komentet përçmuese të Cristiano Ronaldos mbi Ligue 1, duke thënë se ai do të “hahej i gjallë” në Francë.

Ronaldo mori dy çmime në “Globe Soccer Aëards” në Dubai të premten e kaluar, shkruan “Gazeta Express”.

Ai mori çmimin për “Lojtarin më të Mirë të Lindjes së Mesme” dhe çmimin për “Shënuesin më të Mirë të të gjitha Kohërave”, para se të jepte një intervistë të gjerë, ku foli për fushatën e këtij sezoni të Ligës së Kampionëve dhe për ekipin e tij të vjetër, Manchester United.

Fituesi i pesëfishtë i Topit të Artë gjithashtu hodhi kritika ndaj Ligue 1 të Francës, duke deklaruar se Liga Pro e Arabisë Saudite është një ligë “më e mirë”.

“Saudi League është më e mirë se Ligue 1, natyrisht,” tha ai. “Franca ka vetëm PSG-në. Të tjerët kanë përfunduar. Provo të vraposh në 38, 39, 40 gradë dhe shiko…”

“Është e vështirë të bëhesh kampion në Arabi. Këtë vit Al-Hilal janë më të mirë, Al-Ittihad janë në krye të ligës, por besoj se duhet të shtyjmë fort për të qenë kampionë.”

39-vjeçari, i cili iu bashkua Al-Nassr nga Man United, shtoi: “Kam qenë kampion kudo ku kam luajtur dhe besoj se do të jem kampion, por e kam fituar këtë çmim për shënimin e kaq shumë golave dhe asistencave dhe për ruajtjen e nivelit tim.”

Një llogari zyrtare e mediave sociale të Ligue 1 u kundërpërgjigj ashpër Ronaldos, duke lëshuar një goditje me një foto të Lionel Messit.

Dhe Rami, i cili bëri emër në futbollin francez, duke luajtur për skuadra si Marseille dhe Lille, ka reaguar gjithashtu ndaj komenteve të legjendës së Real Madrid.

Ish-lojtari i kombëtares franceze tha se Ronaldo “flet kot” dhe pretendoi se sulmuesi superstar do të “hahej i gjallë” në Ligue 1.

Duke folur në një transmetim live në Tëitch, ai tha: “Flet kot. A do që të të tregoj imazhe të mbrojtësve në Arabi? Nuk është sepse ka pasur një karrierë të çmendur që sa herë thotë diçka është e vërtetë.

“Mendoj se është një manovër për PR. Ne kemi mbrojtës, ata janë makina! E vendos në Ligue 1 dhe ai do të hahet.

“Cristiano Ronaldo, e dini, jam fans i joti. Jam në ekipin e Cristiano Ronaldos, por ai bëri një gabim. Kur thotë se kampionati saudit është më i mirë se ai në Francë, ai merr shumë njerëz me vete”.